Departamient pa avijacyi nazvaŭ «biazzubym ukusam» sankcyi suprać «Biełavija»
Dyrektar Departamienta pa avijacyi Ministerstva transpartu i kamunikacyj Arciom Sikorski ŭ efiry ANT vykazaŭsia pra situacyju z avijabłakadaj Biełarusi.
«Tyja sankcyi, jakija ciapier zrabili dla nas jeŭrapiejcy, — heta taki «biazzuby ŭkus». Niby niepryjemna i hidliva, ale nie baluča», — padkreśliŭ Arciom Sikorski.
Pavodle jaho słoŭ, ES u pieršuju čarhu stvaryŭ prablemu dla zvyčajnych hramadzian, pryčym dla žycharoŭ roznych krain, nie tolki Biełarusi. «Viadoma, sankcyi — heta na škodu. Prytym škodu dla ŭsich bakoŭ. Ale skazać, što situacyja katastrafičnaja… Faktyčna abstanoŭka ŭ avijacyi ciapier takaja, jak była ŭ 2020 hodzie, kali pačaŭsia karanavirus», — skazaŭ dyrektar departamienta.