Dzianis Dudzinski i Kaciaryna Rajeckaja pakinuli Biełaruś
Televiadoŭca Dzianis Dudzinski razam z žonkaj Kaciarynaj Rajeckaj pakinuli krainu.
Pra heta dziaŭčyna paviedamiła ŭ svaim instagram. Miarkujučy pa usim, jany ŭ Kijevie.
Fota ź instahrama
«7 červienia ja mahła b jechać na mohiłki da baćki, jaki pamior roŭna hod tamu, ale zamiest hetaha ja składaju ŭsio svajo žyćcio ŭ adziny čamadan i terminova źjazdžaju z domu», — napisała jana ŭ sacyjalnych sietkach.
Pavodle jaje słoŭ, siamji pryjšłosia źjazdžać chutka: biez telefona i kampjutara, rabočych dakumientaŭ i bankaŭskich kart, navat biez raźvitalnaj zapiski.
«I biez płana… bo za 29 hadoŭ nie dumała pra adjezd i zaŭsiody ŭpeŭniena kazała, što ja zastajusia žyć u Biełarusi, kab svaje siły i talenty ŭkładvać u jaje. (…) Ciapier ja nie mahu žyć doma, ale, spadziajusia, tolki časova».
2 červienia dadomu da siamji pryjšli ź pieratrusam supracoŭniki DFR, a Dzianisa Dudzinskaha zabirali na dopyt.