Zatrymanych u subotu tryjatłanistaŭ asudzili na sutki
Dva chłopcy atrymali na 15 sutak, treci — 14 sutak.
Taksama im zabaranili na hod naviedvać spartyŭnyja mierapryjemstvy i ŭstanovy, paviedamlaje telehram-kanał zozhteam.
Chłopcaŭ zatrymali ŭ subotu na spabornictvach pa tryjatłonie ŭ Minsku. Paśla ŭ internecie źjaviłasia videa, na jakim jany na fonie dziaržaŭnaha ściaha raskazvajuć, za što jany mahli być zatrymanyja, a taksama prosiać prabačeńnia za svaje ŭčynki.
Adzin ź ich skazaŭ, što vyhuknuŭ «Žyvie Biełaruś» hrupie ludziej z čyrvona-zialonymi ściahami, druhi pakazaŭ im «dyzłajk», a treci kryknuŭ «Žyvie».