Piensijanierku aryštavali na 15 sutak za BČB-sardečki
23 červienia a 7-j ranicy ŭ dźviery da 59-hadovaj piensijanierki Natalli Chomič pahrukalisia supracoŭniki milicyi. Pryčyna — try BČB-sercajki na aknie.
Ilustracyjnaje fota
Ahlad u kvatery Natalli doŭžyŭsia kala troch hadzin, padčas jakoha kanfiskavali ŭsiu techniku i sardečki. U Maskoŭskim RUUSie na jaje skłali pratakoł pa art. 24.23 KaAP, paličyŭšy sardečki na aknie niesankcyjanavanym pikietavańniem.
Pieršy raz spravu Chomič u Maskoŭskim sudzie razhledzieła sudździa Lidzija Cialica, ale jana vyrašyła viarnuć spravu žančyny «na dapracoŭku».
Potym spravu Natalli nakiravali sudździ Siarhieju Kacaru. Niahledziačy na toje, što pakazańni adroźnivalisia ad napisanych u raparcie, sudździa daŭ 15 sutak, paviedamlajuć pravaabaroncy.