U Pałanzie prosta kala pirsa buduć pryščaplać ad kavidu ŭsich achvotnych
Mabilnaja kamanda Nacyjanalnaha centra kryvi (NCK) Litvy na hetym tydni budzie pryščaplać achvotnych u Alitusie, Mažejkach, Trokach i Pałanzie. Usie achvotnyja biez papiaredniaj rehistracyi zmohuć pryščapicca vakcynaj Janssen. Pry vakcynacyi tut dastatkova adnoj dozy, piša Delfi.
Delfi
Z pačatku akcyi NCK pryščapiŭ bolš za 5000 žycharoŭ. Žadajučych pryščapicca biez papiaredniaj rehistracyi prosiać uličvać umovy nadvorja i vysokuju cikavaść z boku nasielnictva, tamu prynosić z saboj vadu i karystacca srodkami ad sonca.
Pryščapicca mohuć usie žadajučyja, starejšyja za 18 hadoŭ.
Asablivuju ŭvahu na hetuju akcyju prosiać źviarnuć pažyłych ludziej. Ich buduć pryščaplać pa-za čarhoj. Važna prynosić z saboj pašpart abo kartu identyfikacyi asoby.
«Z 2 lipienia naša mabilnaja kamanda budzie da kanca leta dziažuryć u Pałanzie la pirsa. Pryščaplać u pracoŭnyja dni buduć jak miascovych žycharoŭ, tak i pryjezdžych», — skazaŭ kiraŭnik NCK Daŭmantas Hutaŭskas.