Palitviazień Andrej Šarenda pakinuŭ Biełaruś
28 červienia ŭ sudzie Maskoŭskaha rajona Bresta pavinien byŭ pačacca praces nad hramadskim aktyvistam i palitviaźniem Andrejem Šarendam, jaki 31 maja byŭ źmieščany pad chatni aryšt. Ale na sud jon tak i nie źjaviŭsia, tamu sudździa Fiłonik abviaściła Andreja Šarendu ŭ vyšuk. Pravaabaroncam stała viadoma, što Andrej Šarenda pakinuŭ Biełaruś.
Suprać Andreja zaviali dźvie kryminalnyja spravy: pa artykule 361 KK (Zakliki da dziejańniaŭ, jakija nanosiać škodu nacyjanalnaj biaśpiecy) i pa artykule 368 KK (Abraza prezidenta). 9 červienia jaho žonku Palinu Šarenda-Panasiuk asudzili na 2 hady kałonii ahulnaha režymu. Žančynu abvinavacili pa šerahu artykułaŭ Kryminalnaha kodeksa: art. 364, art. 368 i art. 369.