Pamiežnaja słužba Litvy prosić uvieści režym nadzvyčajnaj situacyi z-za patoku nielehalnych mihrantaŭ
U suviazi z rostam mihrantaŭ ź Biełarusi Słužba achovy dziaržmiažy Litvy (SADMŁ) prosić ŭvieści režym ekstremalnaj situacyi, piša Delfi.lt.
Delfi.lt
«Naš centr nadzvyčajnych situacyj prapanuje Ministerstvu ŭnutranych spraŭ abviaścić ekstremalnuju situacyju na dziaržaŭnym uzroŭni», — zajaviŭ žurnalistam u piatnicu namieśnik kamandujučaha Cłužby, pałkoŭnik Antanas Mantvidas.
Heta, pa jaho słovach, dazvolić pryciahnuć dadatkovyja siły, spraścić pracedury publičnych zakupak, a samakiravańni pavinny buduć pradastavić pamiaškańni dla raśsialeńnia mihrantaŭ.
«Kali ŭ minułym hodzie ŭ nas było kala 70 nielehalnych mihrantaŭ, to na siońniašni dzień ich užo 800, u 11 razoŭ bolš», — skazaŭ u piatnicu na pres-kanfierencyi namieśnik kiraŭnika SADH Vidas Mačajcis.
«U asnoŭnym heta hramadzianie Iraka, Irana, Siryi, jość i hramadzianie Biełarusi», — skazaŭ jon.
Za apošnija sutki zatrymanyja 150 nielehałaŭ.