Ekśpierta Taćcianu Kuzinu abvinavačvajuć pa dvuch artykułach Kryminalnaha kodeksa
Jak vynikaje ź infarmacyi, raźmieščanaj u Minskim haradskim sudzie, ekśpiert Taćciana Kuzina abvinavačvajecca ŭ saŭdziele ŭ złačynstvie pa dvuch artykułach Kryminalnaha kodeksa Biełarusi.
— 357 «zmova ci inšyja dziejańni, učynienyja z metaj zachopu dziaržaŭnaj ułady» (karajecca pazbaŭleńniem voli ad 8 da 12 hadoŭ);
— 361 «zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś» (karajecca pazbaŭleńniem voli na termin ad dvuch da piaci hadoŭ).
Taćciana Kuzina była zatrymanaja ŭ kancy červienia ŭ minskim aeraporcie padčas prachodžańnia pašpartnaha kantrolu. Žančynu dastavili na Akreścina. Da hetaha času było nieviadoma, u čym abvinavačvajuć Kuzinu — z advakata była ŭziataja padpiska ab nievydavańni, piša zerkalo.io