Na svabodu vyjšaŭ palitviazień, jaki na fasadzie doma napisaŭ «No izbav́ nas ot łukavoho»
7 krasavika ŭ Maskoŭskim sudzie Bresta Andreja Levaniuka asudzili da 1 miesiaca aryštu pa kryminalnaj spravie ab apahańvańni zbudavańniaŭ i psavańni majomaści (artykuł 341 KK).
Andreja abvinavacili ŭ tym, što jon «na fasadzie doma nanios čyrvonaj farbaj z bałončyka nadpis «No izbav́ nas ot łukavoho», čym nanies škodu ŽES-6 na sumu 51 rubiel 99 kapiejek». Pavodle abvinavačvańnia hety nadpis pahoršyŭ «estetyčnaje ŭsprymańnie» budynka.
14 červienia Andrej Levaniuk pačaŭ adbyvać pakarańnie ŭ bresckim SIZA-7, a ŭčora — 14 lipienia — vyjšaŭ na volu, paviedamlaje spring96.org