Łukašenka padpisaŭ zakon «Ab źmianieńni zakonaŭ pa pytańniach abarony suvierenitetu i kanstytucyjnaha ładu». Voś što ź jaho vynikaje
— Ciapier vyznačana, što mienavita ličycca biesparadkami pry uviadzieńni nadzvyčajnaha stanovišča («sproby hvałtoŭnaj źmieny kanstytucyjnaha ładu, zachopu abo prysvajeńnia ŭłady, uzbrojeny miaciež, masavyja biesparadki, mižnacyjanalnyja i mižkanfiesijnyja kanflikty, jakija supravadžajucca hvałtoŭnymi dziejańniami, jakija stvarajuć niepasrednuju pahrozu žyćcia i biaśpieki hramadzian»);
— Pry nadzvyčajnym stanoviščy dziaržava moža spynić vypusk i raspaŭsiudžvańnie pradukcyi ŚMI, stvaryć asablivy paradak akredytacyi žurnalistaŭ, abmiežavać dostup da internet-resursaŭ;
— Da zabieśpiačeńnia režymu nadzvyčajnaha stanovišča ciapier možna padklučać siły i srodki MNS, Śledčaha kamiteta, Dziaržaŭnaha kamiteta sudovych ekśpiertyz i Departamienta finansavych rasśledavańniaŭ;
— Zadačy siłavych orhanaŭ dapoŭnieny praduchileńniem i spynieńniem biesparadkaŭ, zabieśpiačeńniem achovy hramadskaha paradku i hramadskaj biaśpieki;
— Vyznačajucca zadačy Uzbrojenych sił (baraćba z teraryzmam, achova hramadskaj biaśpieki, spynieńnie masavych biesparadkaŭ, zabieśpiačeńnie biaśpieki achoŭnych asob i achoŭnych abjektaŭ).