Były kiraŭnik AHP Palakoŭ: «Mianie zatrymlivali pa spravie sproby padryvu vilejskaj stancyi suviazi»
Homielski palityk i pravaabaronca Vasil Palakoŭ 15 lipienia niečakana vyjšaŭ na volu. Jon tydzień pravioŭ u IČU Homiela, prachodziŭ jak padazravany pa kryminalnaj spravie ab teraryźmie.
«8 lipienia da mianie pryjšli śledčyja KDB, jakija praviali pieratrus. Potym skazali, što treba padjechać na dopyt. Nu treba — dyk treba. Spačatku kazali, što ja znachodžusia ŭ jakaści śviedki. Zadavali niedarečnyja pytańni ab hetaj situacyi ŭ Vilejcy, dzie sprabavali padarvać stancyju suviazi. Jakim ja bokam da hetaha, nie viedaju. Potym mnie kažuć, što ja zatrymany ŭ jakaści padazravanaha pa kryminalnaj spravie «Akt teraryzmu», — kaža Palakoŭ.
Pravaabaronca kaža, što ich cikaviła nie tolki heta, ale i dziejnaść Kaardynacyjnaj rady, finansavańnie. Palakoŭ havoryć, što pieršyja dni ŭsprymaŭ usio heta jak absurd, ale paśla staŭ razumieć, kali «represii razhortvajucca pa śpirali, to moža być usialakaje».
Vystaŭleńnia abvinavačańnia ci vyzvaleńnia Palakoŭ čakaŭ u piatnicu 16 lipienia, ale niečakana vyjšaŭ na volu raniej. Jon nie viedaje, z čym heta źviazana. U kamiery Palakovu nie davali ni matracu, ni bializny, chacia razam ź im siadzieli kryminalniki, jakija ŭsio heta mieli.
«Ja byŭ u lohkim adzieńni, było choładna. Pieršuju noč paspraŭ chvilin 10-20. Astatnija atrymlivałasia spać tolki da 3 nočy. Spaŭ na mietaličnych płaścinach».