Pieratrus u redaktarki BiełaPAN Iryny Leŭšynaj skončyŭsia. Jaje viazuć u redakcyju
Jaje viazuć u redakcyju, kab pravieści pieratrus tam, paśla jana pajedzie va USK pa Minsky.
Sajt BiełAPAN i naviny.media ciapier niedastupnyja.
Siońnia ranicaj pryjšli ź pieratrusam da žurnalistki BiełaPAN Iryny Turčynoj, redaktara Alaksandra Zajcava, buchhałtara Kaciaryny Bojevaj.
Turčynu adpuścili paśla dopytu. U jaje zabrali telefon.
Pa słovach Zajcava, pieratrus pravodziŭsia prykładna na praciahu hadziny ŭ ramkach spravy ab arhanizacyi dziejańniaŭ, jakija hruba parušajuć hramadski paradak (art. 342).
Zabrali mabilny telefon, ćviordy dysk kampjutara, stary płanšet, a taksama redakcyjnaje paśviedčańnie i niekalki vizitovak. Spravu viadzie Śledčy kamitet.
Alaksandr Zajcaŭ padpisaŭ abaviazacielstva ab jaŭcy. Jaho pracesualny status jamu nie rastłumačyli.
Tym časam sajty BiełaPAN i naviny.media nie hruziacca.