Znakamitaha vałanciora z Homiela Illu Mironava nie zmahli asudzić druhi raz za dva dni — znoŭ adpravili ŭ izalatar
Vałanciora z Homiela Illu Mironava nie zmahli asudzić druhi raz za dva dni i adpravili spravu za dapracoŭku. A vałanciora — nazad u izalatar, paviedamlajuć pravaabaroncy.
Druhoje sudovaje pasiadžeńnie pa spravie zatrymanaha 17 žniŭnia homielskaha aktyvista i vałanciora Iznoŭ zaviaršyłasia biezvynikova. Sudździa adpraviŭ materyjały na dapracoŭku.
Illu sudziać za nadpis na majcy «Pišycie listy». U milicyi miarkujuć, što takim čynam Illa pravodziŭ niesankcyjanavany pikiet.
Na čas dapracoŭki pratakoła Illu nie adpuścili dadomu, a znoŭ adpravili ŭ izalatar časovaha ŭtrymańnia, dzie jon pravioŭ noč.
Illa prasłaviŭsia tym, što napisaŭ bolš za 2000 listoŭ palitviaźniam.