Litva ŭručyła Minsku notu z-za pamiežnikaŭ, jakija parušyli miažu
Ministerstva zamiežnych spraŭ Litvy uručyła Minsku notu. Vilnia śćviardžaje, što 12 biełaruskich pamiežnikaŭ parušyli miažu.
Delfi.lt
«My infarmavali Biełaruś, što zdareńnie zafiksavana, jano vyklikaje hłybokuju zakłapočanaść, bo my ličym heta jašče adnoj pravakacyjaj, pavyšeńniem tempieratury ŭ i tak užo dastatkova napružanaj situacyi. My zaklikajem ustrymacca ad zdareńniaŭ, jakija navat mohuć być rascenienyja jak pravakacyja, užo nie kažučy pra sapraŭdnyja pravakacyi», — skazaŭ žurnalistam H. Łandśbierhis.
Jon adznačyŭ, što prainfarmavaŭ pra incydent partnioraŭ pa NATA i ES. Ministr adznačyŭ, što reakcyi Minska na pieraściarohi z boku Litvy stali «spakajniejšyja». «Hetyja reakcyi ciapier trochu spakajniejšyja, my bačym paśla hetaha tolki čarhovyja razmovy praź ŚMI. Ale my ŭsio roŭna zachoŭvajem i aficyjnaje infarmavańnie ŭrada», — dadaŭ H. Łandśbierhis.