Papa Francišak zaklikaŭ usich prajści vakcynacyju ad kavidu
U karotkim videazvarocie, apublikavanym 18 žniŭnia pres-słužbaj Śviatoha Pasada, Śviaty Ajciec zaprasiŭ ludziej va ŭsim śviecie prajści vakcynacyju suprać karanavirusa, nazvaŭšy heta žestam lubovi, paviedamlaje Radyjo Vatykana.
«U braterskim duchu ja dałučajusia da pasłańnia nadziei na śvietłuju budučyniu. Dziakujučy Bohu i pracy mnohich ludziej u nas siońnia jość vakcyny, jakija abaraniajuć ad COVID-19. Jany dajuć nadzieju na spynieńnie pandemii, ale tolki ŭ tym vypadku, kali dastupnaść da ich harantavana ŭsim i kali my supracoŭničajem adno z adnym», — skazaŭ jon.
«Vakcynacyja — heta prosty, ale hłyboki sposab spryjańnia ahulnamu dabru i kłopatu adno pra adnaho, asabliva pra najbolš uraźlivych. Prašu Boha, kab kožny z nas unios svaju piasčynku, svoj maleńki žest lubovi. Jakim by maleńkim jon ni byŭ, luboŭ zaŭsiody vialikaja. Paspryjaj hetymi małymi žestami lepšaj budučyni», — zaklikaŭ Papa Francišak.