Polskija pamiežniki płanujuć pabudavać dadatkovuju aharodžu na miažy ź Biełaruśsiu
Polskaja pamiežnaja achova płanuje pabudavać dadatkovyja 50 km aharodžy na miažy ź Biełaruśsiu, paviedamlaje TASS.
«Dahetul płot z kalučaha drotu vykarystoŭvaŭsia dla achovy amal 100 km miažy na ŭčastku, jaki achoŭvajecca Padlaskaj pamiežnaj słužbaj. Płanujecca dadatkova zaścierahčy płotam jašče 50 km ŭčastka, jaki achoŭvajecca Padlaskaj pamiežnaj słužbaj», — paznačana ŭ paviedamleńni.
Pavodle danych MUS Polščy, z pačatku žniŭnia na polska-biełaruskaj miažy było zarehistravana 2 100 sprob nielehalna trapić u Polšču. Pamiežnaja achova praduchiliła 1342 sproby pierasiačeńnia miažy. 758 zamiežnikaŭ byli zatrymanyja i źmieščanyja ŭ zakrytyja centry.