Taliby sfarmirujuć radu z 12 čałaviek dla kiravańnia Afhanistanam. Pasada prezidenta nie praduhledžanaja
Lidary ruchu «Taliban» sfarmirujuć radu z 12 čałaviek dla kiravańnia Afhanistanam, paviedamili krynicy časopisa Foreign Policy.
AP
Pa infarmacyi vydańnia, tryma najbolš upłyvovymi ludźmi ŭ saviecie stanuć:
muła Abduł Hani Baradar, kiraŭnik palityčnaha ofisa «Talibana» ŭ Katary;
kiraŭnik vajskovaj kamisii «Talibana» muła Maułavi Jakub — syn zasnavalnika ruchu muły Amara;
Chalil Al-Rachman Chakani — -vysokapastaŭleny člen terarystyčnaj hrupoŭki «sietka Chakani».
Taliby nie chočuć adnaŭlać u Afhanistanie pasadu prezidenta ci jakoha-niebudź inšaha adnaasobnaha lidara, ale ŭ toj ža čas płanujuć prapanavać niekatorym členam papiaredniaha ŭrada miescy ŭ novaj Radzie.
Takim čynam «Taliban» choča stvaryć kirujučy orhan, jaki budzie vyhladać jak maha bolš inkluziŭnym, kab pavysić šancy na atrymańnie pryznańnia ad mižnarodnaj supolnaści, piša Foreign Policy.