ZŠA zaviaršyli vyvad vojskaŭ z Afhanistana. Jany prysutničali ŭ krainie amal 20 hadoŭ
Amierykanskaja armija zaviaršyła vyvad svajho kantynhientu z Afhanistana. Heta aznačaje taksama kaniec amal 20-hadovaj misii, jakaja pačałasia ŭ Afhanistanie nieŭzabavie paśla 11 vieraśnia 2001 hoda.
Minabarony ZŠA pakazała apošniaha amierykanskaha vajskoŭca, jaki pakinuŭ Kabuł. Heta hienierał-lejtenant Krys Donachju, kamandujučy 82-j pavietrana-desantnaj dyvizii ZŠA, jaki adkazvaŭ za apieracyju pa evakuacyi hramadzianskich asob u aeraporcie Kabuła
Amierykanskija vojski pryjšli ŭ krainu dla baraćby z «Al-Kaidaj», jakaja ŭčyniła terakty 11 vieraśnia 2001 hoda ŭ Ńju-Jorku i Vašynhtonie.
Heta była samaja doŭhaja vajna ŭ historyi ZŠA. U joj zahinuli bolš za 2400 amierykanskich vajskoŭcaŭ. Jašče bolš za 20 tysiač atrymali ranieńni. Košt hetaj misii dla ZŠA aceńvajecca ad adnaho da bolš čym dvuch tryljonaŭ dalaraŭ.