Biełaruskija žurnalisty atrymali ad uładaŭ Biełastoka pamiaškańnie dla pracy
Horad Biełastok pieradaŭ pamiaškańnie dla adkryćcia biełaruskaha centra-kavorkinhu, dzie luby žurnalist zmoža papracavać.
Havorka idzie najpierš pra žurnalistaŭ, jakija pakinuli radzimu z pryčyny pieraśledu. Heta redakcyja Hrodna.Life i žurnalisty partału «Mahiloŭski rehijon», paviedamlaje BAŽ.
Padčas uračystaj pres-kanfierencyi i pieradačy klučoŭ prysutnych biełarusaŭ pryvitaŭ vice-prezident Biełastoka Źbihnieŭ Nikitarovič:
«Biełastok — asabliva dobraje miesca dla takoha rodu padtrymki i dziejnaści. My susiedzi, i Hrodna nam blizki horad. Ja vieru, što heta taksama inviestycyja miascovaha samakiravańnia Biełastoka. I ŭ cełym dobraje demakratyčnaje susiedstva.
Pamiaškańnie płoščaj 70 kv. m. było pieradadziena biełaruskim žurnalistam pa minimalnaj arendnaj staŭcy: 2 złotyja (prykładna 1,3 rubla) za kvadratny mietr.