Z 1 vieraśnia buduć masava pryščaplać studentaŭ ad karanavirusa
Pryščepačnaja kampanija projdzie ŭ kožnaj VNU. Tam na bazie zdraŭpunktaŭ buduć arhanizavanyja punkty vakcynacyi.
«Pryščaplać budziem tych, chto nie paśpieŭ vakcynavacca ŭ minułym navučalnym hodzie», — raspaviała «Minsk-Navinam» zahadčyca adździaleńnia «Studenckaj vioski» 33-j studenckaj palikliniki Śviatłana Bušejka.
Pa jaje słovach, studenty mieli mahčymaść zrabić pryščepku na letnich kanikułach. Chto byŭ u Minsku, tak i zrabiŭ.
«My nikomu nie admaŭlali. Ale nie pajedzieš ža śpiecyjalna na pryščepku ź inšaha horada! Tamu z 1 vieraśnia zaprašajem na vakcynacyju ŭsich achvotnych», — skazała jana.
U Miedycynskim univiersitecie ŭvohule płanujuć hłabalnuju vakcynacyju, što całkam vytłumačalna, heta profilnaja VNU.
U dzień vakcynacyi studentaŭ BDMU płanujuć vyzvalić ad zaniatkaŭ, kab achapić maksimalnuju kolkaść achvotnych.