U Homieli pačaŭsia sud nad pravaabaroncam Leanidam Sudalenkam i vałanciorkami Łasicaj i Tarasienka
U sudzie Centralnaha rajona Homiela 3 vieraśnia raspačaŭsia sud nad pravaabaroncam «Viasny» Leanidam Sudalenkam i vałanciorkami arhanizacyi Taćcianaj Łasicaj i Maryjaj Tarasienka.
Usich ich vinavaciać u arhanizacyi i padrychtoŭcy dziejańniaŭ, što hruba parušajuć hramadski paradak (č. 1 art. 342 KK), i navučańni i padrychtoŭcy asobaŭ dla ŭdziełu ŭ takich dziejańniach, a taksama ich finansavańni abo inšym materyjalnym zabiaśpiačeńni (č. 2 art. 342 KK).
Spravu razhladaje sudździa Siarhiej Sałoŭski, paviedamlaje «Viasna».
U zału suda byli dapuščanyja pradstaŭniki praŭładnych ŚMI i ŭsiaho piać słuchačoŭ. Achova suda patłumačyła takija abmiežavańni składanaj epidemijałahičnaj situacyjaj, a fotazdymki, jakija byli zroblenyja ŭ chole budynka, patrabavali vydalić.
Leanid Sudalenka z 18 studzienia znachodzicca pad vartaj u SIZA. U izalatary z 21 studzienia taksama ŭtrymlivajecca Taćciana Łasica. U dačynieńni da Maryi Tarasienka abranaja miera strymańnia ŭ vyhladzie abaviazacielstva ab jaŭcy i padpiski ab niavyjeździe.
Pa spravie było apytana bolš za 200 śviedak, a materyjałaŭ naźbirali 77 tamoŭ.