Syšoŭ prakuror Hrodzienskaj vobłaści. Jon nie davaŭ zavieści spravy za falsifikacyju vybaraŭ i źbićcio ludziej
Viktar Korzun amal piać hadoŭ byŭ prakuroram Hrodzienskaj vobłaści, kudy pryjšoŭ z Hienprakuratury, dzie ŭznačalvaŭ upraŭleńnie pa nahladzie za prysudami pa kryminalnych spravach. Kalehi apisvajuć jaho jak da mozha kaściej čałavieka sistemy.
U 2020-m jon spyniaŭ lubyja sproby adzinkavych sumlennych prakuroraŭ zavieści spravy i za falsifikacyju vybaraŭ, i za źbićcio ludziej, i za katavańni ŭ izalatarach. Hienprakuror Švied daŭ jamu takuju acenku: «Jon, niesumnienna, pradstaŭlaje naš załaty fond».
Voś što Korzun kazaŭ žycharam Hrodzienščyny ŭ žniŭni 2020-ha, kali tysiačy vyjšli na mirnyja akcyi pratestaŭ:
«Niekatoryja kažuć, što jany nie bujanili, mirna ŭdzielničali. Ale heta ŭsio roŭna ŭdzieł u supraćpraŭnaj dziejnaści, za jakuju praduhledžana adkaznaść. Što tyčycca patrabavańniaŭ ab pakarańni ŭsich, chto ŭžyvaŭ siłu ŭ dačynieńni da mirnych demanstrantaŭ, to znoŭ ža, treba mieć na ŭvazie, što heta nie masavaja amnistyja. Usie rašeńni sudovyja, i kožny vypadak budzie dbajnym čynam pravierany».
Apošni hod pakazaŭ, što nivodny čałaviek sistemy nie byŭ pryciahnuty da adkaznaści za źbićcio i katavańnie demanstrantaŭ.