Minzdaroŭja pra karanavirus: My bačym pavieličeńnie zachvorvańnia. A hrypu pakul niama
«Hryp na siońnia nie cyrkuluje, ale heta nie značyć, što nam nie treba da jaho rychtavacca. Ministerstva achovy zdaroŭja zakupiła vakcynu suprać hrypu. Nam abaviazkova treba sumiaścić siezonnuju vakcynacyju suprać hrypu z pryščepačnaj kampanijaj suprać karanavirusnaj infiekcyi», — paviedamiła siońnia pieršaja namieśnica ministra achovy zdaroŭja Alena Bohdan.
«Pavodle raźlikaŭ śpiecyjalistaŭ — i epidemijołahaŭ, i viadučych infiekcyjanistaŭ — u lubym razie my pavinny padrychtavacca da mahčymaha prychodu ŭ našu krainu hrypu paralelna z karanavirusam», — dadała jana.
Alena Bohdan adznačyła, što bačna pavieličeńnie zachvorvańnia i čakana pryjšoŭ štam «delta». Adnak za leta naroščany zapasy lekaŭ, srodkaŭ indyvidualnaj achovy, punktaŭ padačy kisłarodu.
A voś davać prahnozy, jak u krainie budzie raźvivacca situacyja z karanavirusam, namieśnica ministra nie stała.
«Na žal, karanavirus za paŭtara hoda, jakija my ź im žyviom, pakazaŭ, što prahnozy budavać — absalutna niaŭdziačnaja sprava. Infiekcyja vielmi niepradkazalnaja ŭ płanie epidemijałahičnych zakonaŭ, da jakich my pryvykli. Naša zadača — zabiaśpiečyć hatoŭnaść sistemy», — skazała jana.