Kiraŭnik Jeŭrasavieta abmierkavaŭ z Pucinym Biełaruś
Kiraŭnik Jeŭrapiejskaha savieta Šarl Mišel u telefonnaj razmovie z prezidentam RF Uładzimiram Pucinym zajaviŭ, što asudžaje vykarystańnie ŭładami Biełarusi mihrantaŭ suprać krain ES. Hutarka dvuch palitykaŭ adbyłasia ŭ sieradu, 8 vieraśnia, paviedamiŭ Mišel u Twitter.
Kiraŭnik Jeŭrapiejskaha savieta Šarl Mišel:
«Ja paćvierdziŭ padtrymku terytaryjalnaj cełasnaści Ukrainy i Hruzii. My abmianialisia mierkavańniami ab pierśpiektyvach armiana-azierbajdžanskaha ŭrehulavańnia — dla hetaha patrebnyja ŭmacavańnie davieru i dyjałoh. Ja asudziŭ vykarystańnie Biełaruśsiu nierehularnaj mihracyi suprać dziaržaŭ-čalcoŭ ES», — dadaŭ Šarl Mišel.
Nahadajem, 2-3 vieraśnia ministry zamiežnych spraŭ krain ES na niefarmalnaj sustrečy asudzili «cyničnaje vykarystańnie mihrantaŭ i biežancaŭ» Biełaruśsiu dla stvareńnia cisku na miežach Litvy, Łatvii i Polščy. U Jeŭrasajuzie zajavili, što pracujuć nad piatym pakietam sankcyj u dačynieńni da krainy.