U Polščy biełarus prykinuŭsia palicejskim i vymaniŭ u pažyłoj pary $6000
Mužčyna vymaniŭ u pažyłoj pary źbieražeńni, zapeŭniŭšy, što jany pavinny ŭnieści zakład za svajaka, jaki ździejśniŭ avaryju. Piša «Kamsamolskaja praŭda».
20-hadovamu biełarusu pradjavili abvinavačvańnie ŭ Polščy. Małady čałaviek prykidvaŭsia supracoŭnikam miascovaj palicyi. Jon padmanuŭ jak minimum adnu pažyłuju paru, vykarystoŭvajučy tak zvany «mietad na palicejskaha». Historyju raspaviadaje pres-słužba palicyi polskaha horada Lublin.
Achviaraj machlara stała pažyłaja para ź Lublina. Mužčyna patelefanavaŭ im, nazvaŭšysia palicyjantam, i zajaviŭ, što ich svajak ździejśniŭ DTZ i budzie aryštavany, kali za jaho nie ŭniasuć zakład. Pažyłyja ludzi pavieryli ašukancu i addali «supracoŭniku palicyi» amal 25 tysiač złotych (prykładna $6300).
Incydent adbyŭsia viasnoj, a zatrymali 20-hadovaha biełarusa ŭ aŭtorak, 21 vieraśnia. Jon pad vartaj, za machlarstva chłopiec moža trapić u turmu na termin da vaśmi hadoŭ. Polskija pravaachoŭniki nie vyklučajuć, što lublinskaja historyja — nie adzinaja na rachunku łžepalicejskaha.