Ukrainski baksior Alaksandr Usik staŭ absalutnym čempijonam śvietu ŭ dvuch dyvizijonach — takoje zdaryłasia druhi raz u historyi
U Łondanie na arenie «Totenchem Chotspur» 25 vieraśnia adbyŭsia baksiorski viečar, u hałoŭnym pajadynku jakoha syšlisia ŭkrainiec Alaksandr Usik i brytaniec Entani Džošua. Na konie stajali tytuły čempijona śvietu pa viersii WBA Super, IBF, IBO i WBO ŭ supierciažkaj vazie. Ukrainski baksior upeŭniena vyjhraŭ hety boj pa ačkach i adabraŭ u brytanca try čempijonskija pajasy.
Pa vynikach 12 raŭndaŭ usie sudździ addali pieramohu ŭkrainskamu baksioru — 116-112, 117-114, 115-113.
Prezident Ukrainy Uładzimir Zialenski adnym ź pieršych pavinšavaŭ suajčyńnika. «Ukraina viartaje svajo! Čempijonskija tytuły WBA, IBF, IBO, a taksama WBO znoŭ, jak i maje być, naležać ukraincam!» — adznačyŭ kiraŭnik dziaržavy.
34-hadovy Alaksandr Usik vystupaje ŭ prafiesijnym boksie z 2013 hoda. Na rachunku Alaksandra 19 pieramoh (u tym liku 13 nakaŭtam) u 19 bajach. 31-hadovy Džošua vyjhraŭ 24 pajadynki (22 — nakaŭtam) i paciarpieŭ druhoje paražeńnie ŭ karjery.
Novy čempijon WBA, WBO, IBF i IBO ŭ ciažkaj vazie Alaksandr Usik paŭtaryŭ dasiahnieńnie eks-čempijona śvietu ŭ dvuch dyvizijonach Evandera Cholifiłda.
Usik, jak i Cholifiłd, staŭ absalutnym čempijonam śvietu ŭ pieršaj ciažkaj vazie i abjadnanym u ciažkaj vazie.
Ukrainiec zrabiŭ heta značna chutčej — u 19-m bai na prafiesijnym rynhu.