Turemnyja ŭniviersitety: baksior Alaksiej Kudzin pierajšoŭ na biełaruskuju movu
Žančynie, jakaja jamu piša, jon spačatku adkazaŭ pa-rusku. A druhi list byŭ užo pa-biełarusku. «Adrazu ŭspomniŭ darohu ŭ svoj rodny horad Maładziečna, jaki vielmi lublu i nikoli nie kinu», — piša jon u adkaz na paštoŭku.
36-hadovaha Alaksieja Kudzina, zasłužanaha majstra sportu i čempijona śvietu pa kikboksinhu i tajskim boksie, aryštavali za toje, što jon daŭ adpor siłavikam na akcyi pratestu suprać falsifikacyi vybaraŭ u žniŭni 2020 hodzie.
Kali jaho vypuścili pad chatni aryšt, jon zmoh pakinuć Biełaruś.
Adnak jon byŭ paŭtorna aryštavany ŭ studzieni 2021 hoda, kali pryjechaŭ z Francyi ŭ Rasiju, pa zapycie Minska. U žniŭni 2021 hoda jaho asudzili na dva z pałovaj hoda kałonii. Ciapier jon znachodzicca ŭ turmie numar 8, što ŭ Žodzinie.