U Hiermanii apublikavali pieršyja danyja ekzit-połaŭ
Niamieckija sacyjał-demakraty (SDPH) na čale z Ołafam Šolcam lidzirujuć na vybarach u Bundestah z 26%, vynikaje sa źviestak ekzit-połaŭ daśledčaha instytuta Mannheimer Forschungsgruppe Wahlen dla telekanała ZDF.
Błok niamieckich kansiervataraŭ (CHDS/CHSS) na čale z Arminam Łašetam zajmaje druhoje miesca z 24%. «Sajuz 90/Zialonyja» na čale z Analenaj Bierbok — trecija z 14,5%. Na čaćviortym miescy svabodnyja demakraty z 12%, pravaja «Alternatyva dla Niamieččyny» nabiraje 10%, «Levyja» taksama prachodziać u parłamient z 5%.
U svaju čarhu, jak śviedčać ekzit-poły sacyjałahičnaha instytuta Infratest dimap dla hramadska-pravavoha telekanała ARD, błok Chryścijanska-demakratyčnaha i Chryścijanska-sacyjalnaha sajuzaŭ i Sacyjał-demakratyčnaja partyja Hiermanii nabirajuć pa 25%.
Vybary ŭ Bundestah FRH prajšli ŭ niadzielu, amal 60 tysiač vybarčych učastkaŭ pa ŭsioj krainie pracavali da 18:00 (19:00 pa Minsku).
Pa vynikach vybaraŭ u Bundestah sfarmirujuć novy ŭrad Hiermanii na čale z novym kancleram. Anhieła Mierkiel (CHDS / CHSS), jakaja zajmała pasadu kiraŭnika hiermanskaha Kabmina na praciahu 16 hadoŭ, nie pretenduje na novy termin.