Siarhiej Hančaroŭ syšoŭ ź Mižnarodnaj fiederacyi chakieja
Siarhiej Hančaroŭ, jaki vystaŭlaŭ svaju kandydaturu na pasadu prezidenta Mižnarodnaj fiederacyi chakieja (IIHF), zajaviŭ, što sychodzić z chakieja, pieradaje «RIA Naviny».
Paśla parazy na prezidenckich vybarach Hančaroŭ admoviŭsia vyłučać svaju kandydaturu ŭ Radu IIHF i na pasadu vice-prezidenta.
«Sychodžu pa asabistych pryčynach. Sychodžu i z IIHF, i z chakieja. Žyćcio zanadta karotkaje, chočacca pažyć. Dumaju, budu adpačyvać najbližejšyja paŭhoda-hod», — skazaŭ Hančaroŭ žurnalistam.
Hančaroŭ uvachodziŭ u Radu IIHF z 2016 hoda, jon taksama źjaŭlajecca namieśnikam staršyni Fiederacyi chakieja Biełarusi.