Pačynajem 9 traŭnia z Kazachstanam

Staŭ viadomy raskład matčaŭ čempijanatu śvietu pa chakiei — 2010.

Na sajcie Mižnarodnaj fiederacyi chakieju z šajbaj źjaviŭsia raskład matčaŭ čempijanatu śvietu — 2010, što projdzie z 7 pa 23 traŭnia ŭ Niamieččynie, u haradach Kioln i Manhiejm.

Taki poźni pačatak čempijanatu tłumačycca Zimovymi Alimpijskimi hulniami ŭ Vankuviery.

Matč adkryćcia — ZŠA — Niamieččyna — projdzie 7 traŭnia ŭ Hieźzenkirchienie, na futbolnym stadyjonie «Fiełtyns‑Arena». Miarkujecca, što za hulnioj budzie nazirać 76 tysiač hledačoŭ.

Zbornaja Biełarusi, nahadajem, trapiła ŭ hrupu «A» razam sa zbornymi Rasii, Słavakii i Kazachstana.

Startujuć padapiečnyja Hlena Chenłana 9 traŭnia matčam sa zbornaj Kazachstana (pačatak u 17:15 pavodle minskaha času). 11 traŭnia — matč z Słavakijaj (21:15), 13 traŭnia — z Rasijaj (17:15).

Try lepšyja kamandy hrupy vyjduć u nastupny raund, dzie sustrenucca z tryma lepšymi zbornymi hrupy «D» (Finlandyja, ZŠA, Niamieččyna, Danija).

Na hetych dvuch etapach biełaruskaja zbornaja budzie vystupać u Kiolnie.

***

Čverćfinały projduć 20 traŭnia ŭ Kiolnie i Manhiejmie, paŭfinały — 22 traŭnia ŭ Kiolnie, finał — 23 traŭnia taksama ŭ Kiolnie.

Kamientary da artykuła