Be‑Free pieranosicca i projdzie ŭ Čarnihavie
Arhanizatary kančatkova vyznačylisia z dataj rok-fiestyvalu. Jon projdzie 22‑23 žniŭnia.
Arhanizatary kančatkova vyznačylisia z dataj rok-fiestyvalu. Jon projdzie 22‑23 žniŭnia va ŭkrainskim Čarnihavie.
Raniej paviedamlałasia, što fest zapłanavany na 8‑9 žniŭnia. Ale vyśvietliłasia, što miesca, dzie miełasia ŭsio adbycca, u tyja dni budzie zaniatym.
Tamu arhanizataram pryjšłosia razhladać inšyja varyjanty, što vymusiła pieranieści fest na paźniejšy čas.
Vystupy projduć na bierazie Dziasny na placoŭcy pamiž Haradskim parkam kultury i adpačynku i hatelnym kompleksam «Briansk».
Doŭžycca prahrama ŭ abodva dni budzie prykładna z 16 hadzin i da 22.00.
Užo zapłanavany ŭdzieł dziesiaci hurtoŭ ź Biełarusi i šaści z Polščy dy Ukrainy. Dakładna nazvać skład kamand, jakija vystupiać na Be‑Free, arhanizatary nie mohuć. Ź niekatorymi, jak «Lapis Trubieckoj» i «Vopli Vidaplasava», pakul viaducca pieramovy.
Pobač ź miescam praviadzieńnia festu budzie arhanizavana namiotavaje miastečka. Arhanizatary płanujuć pravieści šerah akcyj pa pryciahnieńni ŭvahi da situacyi z pravami čałavieka ŭ Biełarusi.
Jak dabracca da Čarnihava
Z Homiela štodzionna ŭ 6.43 adpraŭlajecca dyziel. Daroha zojmie try z pałovaj hadziny. Z Homiela možna dabracca taksama aŭtobusami. 22 žniŭnia jany adpraŭlajucca ŭ 7.00, 8.00, 10.20, 12.45, 14.00, 15.00, 16.05, 19.00. Taksama buduć arhanizavanyja pramyja aŭtobusy ź Minska.
Rok‑fiestyval Be‑Free uźnik u 2007 hodzie pad nazvaj «Prava być svabodnym».
U papiarednija hady jon prachodziŭ na zachadzie Ukrainy - u haradach Łuck i Lvoŭ.
Dadatkovaja infarmacyja:
+375 29 649 0888 (Vital)
+48 516 5 888 63 (Maryja)