ADS praviaduć respublikanski dzień infarmavańnia
Abjadnanyja demakratyčnyja siły Biełarusi (ADS) 30 vieraśnia praviaduć respublikanski dzień infarmavańnia nasielnictva ab sacyjalna‑ekanamičnaj situacyi ŭ krainie i ab Antykryzisnaj płatformie.
Adpaviednaje rašeńnie pryniata 22 lipienia na pasiadžeńni prezidyuma palitsavieta ADS.
Jak paviedamiŭ BiełaPAN lider Abjadnanaj hramadzianskaj partyi Anatol Labiedźka, demakratyčnyja siły buduć padavać zajaŭki na praviadzieńnie ŭ hety dzień 500—700 pikietaŭ u abaronu sacyjalnych pravoŭ nasielnictva.
Akramia taho, u kastryčniku ADS płanujuć pravieści naradu z udziełam rabočych. «Nam budzie cikava pačuć ich vodhuki ab našaj dziejnaści, daviedacca pra reakcyju na źmiest Antykryzisnaj płatformy ADS. Taksama płanujem abmierkavać pytańnie naładžvańnia bolš ciesnaha ŭzajemadziejańnia demakratyčnych sił z rabočymi», — skazaŭ Labiedźka.