U Minsk lacić mer Maskvy Łužkoŭ
Mer Maskvy Juryj Łužkoŭ 24 lipienia naviedaje Minsk.
Asnoŭnaja meta vizitu — udzieł u cyrymonii adkryćcia kulturna‑dziełavoha centra «Dom Maskvy».
Jak paviedamili BiełaPAN u pres‑słužbie ŭrada Biełarusi, zapłanavana sustreča Łužkova ź biełaruskim premjer‑ministram Siarhiejem Sidorskim.
Dom Maskvy uźviedzieny na vulicy Kamunistyčnaja z vykarystańniem biełaruskich budaŭničych materyjałaŭ i kanstrukcyj za košt maskoŭskaha biudžetu. Ahulny abjom inviestycyj skłaŭ 536 młn. rasijskich rubloŭ.
U čatyrochpaviarchovym budynku raźmieščany kinakancertnaja zała, pakoj prezidyuma, mahazin pa prodažy knih i suvieniraŭ, kafe‑bar, ofisnyja pamiaškańni, mini‑hatel, biblijateka, kanfierenc‑zała.
Dom Maskvy budzie pradstaŭlać intaresy rasijskaj stalicy ŭ Biełarusi i sadziejničać raźvićciu kulturnych i dziełavych suviaziaŭ.