U Maskvie zatrymali biełarusa: jon byŭ u vyšuku za ŭdzieł u maršy ŭ Homieli
Siońnia ranicaj u maskoŭskim mietro palicyja zatrymała žychara Homiela Michaiła Zubkova. Jaho spynili dla pravierki pašparta, i vyśvietliłasia, što biełarus — u vyšuku.
Ciapier Michaił u adździaleńni palicyi, paviedamili navinyonline.
U vieraśni minułaha hoda Zubkoŭ udzielničaŭ u maršy ŭ Homieli, jaho zatrymaŭ AMAP. Mužčyna pravioŭ 15 sutak u IČU. Bolš da jaho pretenzij z boku milicyi nie było, jak upeŭnivajuć svajaki. Michaś źjechaŭ na pracu ŭ Maskvu.
«U žniŭni da žonki i maci Michaiła pryjšła milicyja — byli pieratrusy, šukali i jaho samoha. Potym žonku vyklikali ŭ SK. Śledčaja pakazała joj fotazdymki z maršu i patłumačyła, što jaje muž padyšoŭ da supracoŭnika AMAP «bližej, čym treba» i što ŭ Michaiła na fota byŭ čyrvony tvar. Heta značyć, što «jon hatovy byŭ kinucca na supracoŭnika AMAP», — raspaviali svajaki.
Papiarednie, na Zubkova raspačali kryminalnuju spravu za hvałt nad supracoŭnikam milicyi.