Sud nad anarchistam Mikołam Dziadkom adnovicca 3 listapada, praz bolš jak sto dzion pierapynku
Pierapynak u sudzie abviaścili 6 lipienia, kab pravieści ekśpiertyzu 17 dopisaŭ Mikałaja Dziadka ŭ sacyjalnych sietkach.
Pasiadžeńnie pačniecca a 10-j hadzinie ŭ Minskim haradskim sudzie, paviedamiła «Viasna».
Mikołu Dziadka zatrymali 11 listapada 2020 hoda supracoŭniki HUBAZiK i MUS u domie ŭ pasiołku Sasnovy. Mikołu Dziadka abvinavacili pavodle troch kryminalnych artykułaŭ:
— niezakonnyja dziejańni ŭ dačynieńni da pradmietaŭ, paražalnaja dziejnaść jakich hruntujecca na vykarystańni haručych rečyvaŭ (č. 1 art. 295-3)
— arhanizacyja i padrychtoŭka dziejańniaŭ, jakija hruba parušajuć hramadski paradak (č. 1 art. 342);
— zakliki da dziejańniaŭ, nakiravanych na pryčynieńnie škody nacyjanalnaj biaśpiecy pry dapamozie internetu (č. 3 art. 361).
Za čas źniavoleńnia Dziadka nieadnarazova kidali ŭ karcar. Palitviazień paviedamlaŭ, što turemnaja administracyja abmiažoŭvaje listavańnie ź im i nie akazvaje nieabchodnaj miedyčnaj dapamohi.