Kiraŭnictva kiemieraŭskaha HC «Zimovaja višnia» prysudzili da 14 hadoŭ pa spravie ab pažary. Tady zahinuli 60 čałaviek
29 kastryčnika sud Zavodskaha rajona Kiemierava (Rasija) abviaściŭ prysud pa pieršaj spravie ab pažary ŭ handlovym centry «Zimovaja višnia».
Samy vialiki termin atrymała hiendyrektar kampanii-ŭładalnika HC Julija Bahdanava, jakuju prysudzili da 14 hadoŭ pazbaŭleńnia voli. Kiraŭnika «Zimovaj višni» Nadzieju Sudździanok prysudzili da 13 z pałovaj hoda kałonii. Techničnamu dyrektaru Hieorhiju Sobalevu pryznačyli pakarańnie ŭ vyhladzie 11 hadoŭ pazbaŭleńnia voli. Achoŭnika HC Siarhieja Anciušyna prysudzili da vaśmi hadoŭ kałonii.
Usich čaćviarych padsudnych pryznali vinavatymi pa artykule ab akazańni pasłuh, jakija nie adkazvajuć patrabavańniam biaśpieki žyćcia i zdaroŭja dziaciej.
Kiraŭnika tušeńnia pažaru ŭ «Zimovaj višni» Andreja Bursina i načalnika pažarnaj varty Siarhieja Hienina asudzili na šeść i piać hadoŭ pazbaŭleńnia voli adpaviedna. Abodvuch pažarnych pryznali vinavatymi pa artykule ab chałatnaści.
25 sakavika 2018 hoda ŭ HC «Zimovaja višnia» ŭ Kiemieravie adbyŭsia pažar, u vyniku jakoha zahinuli 60 čałaviek, u tym liku 37 dziaciej. Paciarpiełymi pa spravie pryznali bolš za 450 čałaviek.