90-hadovy maładziečaniec zachoŭvaŭ u kvatery zbroju i sotniu patronaŭ
U maładziečanskuju milicyju źviarnułasia 54-hadovaja žančyna. Jana raskazała, što padčas pryborki ŭ kvatery pamierłaha baćki natrapiła na strelbu, pistalet i patrony.
90-hadovy mužčyna žyŭ adzin, u žniŭni jon pamior. Praź niejki čas dačka pryjechała da jaho dadomu, kab prybracca, piša «Rehijanalnaja hazieta».
U kalidory na antresolach žančyna znajšła častki zbroi: draŭlany prykład, mietaličny stvoł, pistalet i 119 patronaŭ.
Pravodzicca pravierka. Kab vyśvietlić stan zbroi i jaje madel, acanić bajazdolnaść, pryznačanaja sudovaja balistyčnaja ekśpiertyza.