Polšču nakryvaje novaja chvala kavidu. U krainie zafiksavali amal 10 tysiač zaražeńniaŭ upieršyniu z krasavika
U Polščy za minułyja sutki zarehistravali 9387 novych zaražeńniaŭ karanavirusam, što źjaŭlajecca samym vysokim pakazčykam z krasavika, kali spadała papiaredniaja chvala epidemii, paviedamlaje PAP.
Pamierli za minułyja sutki 102 chvoryja, u 90 ź ich byli inšyja chraničnyja prablemy sa zdaroŭjem, jakija ŭskładnili ciačeńnie chvaroby.
U papiarednija dni ŭ Polščy rehistravali bolš za 8 tysiač zaražeńniaŭ, a na minułym tydni samy vysoki pakazčyk pieravyšaŭ 6 tysiač.
Bolšaść novych zaražeńniaŭ prypadaje na Mazavieckaje i Lublinskaje vajavodstvy.
U balnicy znachodziacca 6175 chvorych, ź ich 521 u ciažkim stanie.
Dla abmierkavańnia epidemijałahičnaj situacyi źbirajecca kryzisnaja kamanda ŭrada pad staršynstvam premjera Maravieckaha.
Bolš za pałovu nasielnictva Polščy vakcynavana ad kavidu.