Zaviaršyŭsia sud pa spravie dudara Źmitra Šymanskaha. Jamu dali try hady chimii
Muzyku abvinavačvali pa art. 342 KK (arhanizacyja i ŭdzieł u dziejańniach, jakija hruba parušajuć hramadski paradak) za hrańnie na dudzie na maršy 16 žniŭnia 2020 hoda.
Muzykanta asudzili na try hady abmiežavańnia voli z nakiravańniem u papraŭčuju ŭstanovu adkrytaha typu («chimija»).
Jašče piaciora palitviaźniaŭ — muzykaŭ hurta Irdorath zastajucca ŭ SIZA na Vaładarskaha. Nadziei Kałač, Uładzimiru Kałaču, Antonu Šnipu, Julii Marčanka i Piatru Marčanku praciahnuli termin utrymańnia pad vartaj. Viadoma, što im inkryminujuć da čatyroch epizodaŭ udziełu ŭ dziejańniach, što hruba parušajuć hramadski paradak.
Spravu razhladaŭ sudździa Aleh Kalada.
Prakurorka zaprasiła dla abvinavačanaha pakarańnie ŭ vyhladzie abmiežavańnia voli z nakiravańniem u papraŭčuju ŭstanovu adkrytaha typu terminam na try hady. Mienavita taki prysud i vynies sudździa Kalada. Muzyku vyzvalili z-pad varty ŭ zale suda.