Biełaruś pastavić 500 miehavat Ukrainie pa damovie ab avaryjnaj dapamozie
Biełaruś u ramkach Damovy ab akazańni avaryjnaj dapamohi pastavić va Ukrainu 500 MVt elektraenierhii, ale pra novyja doŭhaterminovyja kantrakty havorki pakul nie idzie, paviedamiła ŭ aŭtorak pres-słužba Ministerstva enierhietyki.
«Druhoha listapada z 14.00 u ramkach Damovy ab akazańni avaryjnaj dapamohi Biełaruś pačała pastaŭki elektraenierhii ŭ enierhasistemu Ukrainy mahutnaściu 500 MVt. Pastaŭki ažyćciaŭlajucca pa zapycie ŭkrainskaha boku», — havorycca ŭ paviedamleńni pres-słužby ministerstva.
Padkreślivajecca, što «ab doŭhaterminovych kamiercyjnych kantraktach, akramia padpisanych raniej, u dadzienym vypadku havorki nie idzie». «Pastaŭki buduć ažyćciaŭlacca da 21.00», — udakładnili ŭ pres-słužbie.