MUS: Internet-resursy «Biełsata» pryznanyja ekstremisckim farmiravańniem
Rašeńniem Ministerstva ŭnutranych spraŭ pryznanyja ekstremisckim farmiravańniem i zabaronienaja dziejnaść na terytoryi Respubliki Biełaruś hrupy hramadzian, abjadnanych z dapamohaj internet-resursaŭ «Biełsat», havorycca ŭ paviedamleńni viedamstva.
U pres-słužbie MUS Biełarusi rastłumačyli situacyju z telekanałam takim čynam:
— ekstremisckim farmiravańniem pryznana «hrupa hramadzian, abjadnanaja z dapamohaj internet-resursaŭ» telekanała;
— akramia sajta «Biełsata» havorka idzie pra ich Youtubie-kanał, a taksama staronki ŭ Telegram, Instagram, Twitter, Facebook, VK i «Adnakłaśnikach».
«Siońniašniaje rašeńnie MUS — heta praciah niezakonnych i niepravavych padychodaŭ, źviazanych z abmiežavańniem svabody słova i svabody mierkavańnia ŭ Biełarusi. Što paciahnie za saboj hetaje rašeńnie prahnazavać niemahčyma, bo apošnija paŭtara hoda ŭ Biełarusi nie dziejničajuć pravavyja miechanizmy, a palityčnyja represii advolna prymianiajucca i da žurnalistaŭ, i da padpisčykaŭ telehram-kanałaŭ, i da tych, chto dzielicca infarmacyjaj z žurnalistami», — patłumačyŭ žurnalistam namieśnik staršyni i juryst BAŽ Aleh Ahiejeŭ.