U «viciebskich Kurapatach» — uročyščy Chajsy — pavalili dzieviać kryžoŭ
Na miescy masavych rasstrełaŭ achviaraŭ stalinskich represij va ŭročyščy Chajsy pad Viciebskam aktyvisty znajšli pavalenymi 9 kryžoŭ z 32.
Napiaredadni Dziadoŭ aktyvisty pryjechali ŭparadkavać uročyšča i pabačyli, što z 32 kryžoŭ 9 pałamanyja, piša Radyjo Svaboda.
Uletku nieviadomyja złamali jašče dva kryžy, zrezali zvarkaj adzin z pakazalnikaŭ na miesca masavych rasstrełaŭ i sarvali šyldu ŭ druhoha.
Upieršyniu čałaviečyja pareštki znajšli ŭ lesie pad Chajsami ŭ 2014 hodzie. Vajskoŭcy ekshumavali kostki i praz hod pachavali na vajskovym miemaryjale — u bratniaj mahile kala stancyi Łužasna.
Prapanovu pachavać pareštki tam, dzie ich znajšli, i abviaścić les kala Chajsaŭ miemaryjalnaj terytoryjaj ułady nie padtrymali. Aktyvisty i svajaki represavanych ułasnymi siłami stvarajuć tam miemaryjał — ź simvaličnymi mahiłami, pakazalnikami, infarmacyjnymi šyldami i kryžami.