Polšča razhladaje mahčymaść poŭnaha zakryćcia miažy ź Biełaruśsiu
Aficyjnaja Varšava razhladaje varyjant poŭnaha zakryćcia miažy ź Biełaruśsiu, kali nie budzie spyniena situacyja na miažy, paćvierdziŭ pres-sakratar urada Polščy Piotr Miuler.
«U dalejšych scenarach taki varyjant uličvajecca. Ciapier my adnaznačna adpraŭlajem pa dypłamatyčnych i aficyjnych kanałach takuju infarmacyju biełaruskim uładam, što takaja pahroza isnuje, kali biełaruskija ŭłady nie spyniać hibrydnaj vajny na miažy», — skazaŭ Miuler.
Sa słoŭ Miulera, Polšča davodzić hetuju infarmacyju da biełaruskich uładaŭ praz pasolstva, MZS i pamiežnyja słužby. Adnak biełaruskija ŭłady pakul nijak nie adkazvajuć na hetyja sihnały.