ES paprasiŭ Rasiju paŭpłyvać na mihracyjny kryzis na biełaruskaj miažy
Jeŭrapiejski sajuz źviarnuŭsia da Rasii z prośbaj vykarystać upłyŭ na Biełaruś, kab vyrašyć prablemu napłyvu mihrantaŭ da miažy z Polščaj.
Ab hetym piša ria.ru sa słovaŭ pres-sakratara Brusela Pietera Stana.
«Ja paŭtaru naš zaklik ad imia Jeŭrasajuza da Rasii vykarystoŭvać svoj upłyŭ na Biełaruś, ciesnyja suviazi pamiž RF i Biełaruśsiu ŭ mnohich śfierach, kab Alaksandr Łukašenka spyniŭ hetuju dziejnaść», — zajaviŭ pradstaŭnik ES.
Raniej z anałahičnaj zajavaj źviarnułasia da Uładzimira Pucina kancler Niamieččyny Anhieła Mierkiel.