Znoŭ adklučany pieršy enierhabłok AES
Siońnia ŭ 10.33 znoŭ byŭ adklučany ad sietki aŭtamatykaj pieršy enierhabłok BiełAES.
Jak piša BiełEnierha, pravodzicca dyjahnostyka i analiz pracy technałahičnych sistem.
BiełAES była ŭviedziena ŭ ekspłuatacyju ŭ listapadzie 2020 hoda, ale niekalki razoŭ byli adklučeńni. Tak błok nie pracavaŭ z 12 lipienia pa 4 kastryčnika taksama z-za taho, što spracavała aŭtamatyčnaja abarona hienieratara.
Pa stanie na pačatak listapada pieršy enierhabłok BiełAES za hod vypracavaŭ 4,6 młrd kVt·č elektraenierhii, što dazvoliła zamiaścić kala 1,3 młrd kub. m pryrodnaha hazu. Štodnia na atamnaj elektrastancyi vyrablajecca 28 młn kVt·h elektraenierhii — heta prykładna 25% ad ahulnaha abjomu vytvorčaści elektryčnaj enierhii ŭ krainie, — raskazvaŭ tady ministr enierhietyki Viktar Karankievič.