Pamiežny kamitet: Kala miažy znachodzicca kala dźviuch tysiač mihrantaŭ
Kala dźviuch tysiač mihrantaŭ praciahvajuć znachodzicca pablizu biełaruska-polskaj miažy. Minułuju noč jany praviali ŭ troch miescach: častka ź ich zastałasia na terytoryi, prylehłaj da punkta propusku, častka — u stychijnym łahiery ŭ lesie.
Kala 1000 čałaviek pieranačavali ŭ transpartna-łahistyčnym centry niedaloka ad miažy. Ludziej napiaredadni ŭviečary ahladali miedyki, pa dapamohu źviarnulisia čatyry čałavieki, paviedamlaje Dziaržaŭny pamiežny kamitet u svaim telehram-kanale.
Biełaruski bok zabiaśpiečyŭ mihrantaŭ haračym charčavańniem jak u łahistyčnym centry, tak i ŭ łahiery pablizu miažy ŭ aciaplanych pałatkach. Ranicaj 17 listapada pryniata rašeńnie ab raźmiaščeńni častki zamiežnikaŭ u inšych miescach, havorycca ŭ paviedamleńni.