Mierkiel znoŭ razmaŭlała z Łukašenkam pra mihrancki kryzis
Jak pieradaje BiełTA, baki «damovilisia, što prablema ŭ cełym vynosicca na ŭzrovień Biełarusi i Jeŭrasajuza, pry hetym adpaviednyja słužbovyja asoby, jakich vyznačać z abodvuch bakoŭ, nieadkładna ŭstupiać u pieramovy z metaj vyrašeńnia isnych prablem». U hetym ža kantekście budzie vyrašacca pažadańnie ŭciekačoŭ trapić u Niamieččynu.
Taksama Mierkiel daviała da Łukašenki prośbu staršyni Jeŭrapiejskaj kamisii Ursuli fon der Lajen ab abaviazkovym udziele ŭ pracesie mižnarodnych arhanizacyj, jakija zajmajucca prablematykaj uciekačoŭ i mihrantaŭ.
Upieršyniu z pačatkam abvastreńnia mihranckaha kryzisu na miažy Biełarusi i Polščy vykanaŭca abaviazkaŭ kanclera Hiermanii Anhieła Mierkiel pazvaniła Łukašenku 15 listapada, tady razmova doŭžyłasia 50 chvilin.