Kiraŭniki Litvy, Polščy i Ukrainy zaklikali ŭzmacnić sankcyi suprać Rasii
Vilnia, Varšava i Kijeŭ zaklikajuć mižnarodnuju supolnaść zrabić bolš žorstkimi sankcyi suprać Maskvy, havorycca ŭ sumiesnaj zajavie prezidentaŭ Litvy, Polščy i Ukrainy Hitanasa Nausiedy, Andžeja Dudy i Uładzimira Zialenskaha.
Sajt prezidenta Litvy
U dakumiencie lidary troch krain zajavili ab «dalejšaj ahresii suprać Ukrainy» z boku Rasii. Taksama jany źviarnulisia da rasijskaha boku z zaklikam da deeskałacyi z dapamohaj «vyvadu svaich vojskaŭ z ukrainskich miežaŭ i časova akupavanych terytoryj», paviedamlaje RBK.
Naŭsieda, Duda i Zialenski znoŭ zajavili ab zaniepakojenaści z-za rasijskaha hazapravoda «Paŭnočny patok — 2» i nazvali prajekt pahrozaj dla jeŭrapiejskaj biaśpieki. Prezidenty damovilisia supraćstajać «manapalizacyi Jeŭrapiejskaha hazavaha rynku Rasijaj, jakaja vykarystoŭvaje enierhietyku jak hieapalityčny instrumient».
Prezidenty 2 śniežnia praviali sustreču pa videasuviazi ŭ farmacie «Lublinskaha trykutnika», adznačajecca na sajcie kiraŭnika Polščy. Ministry zamiežnych spraŭ troch krain padpisali dekłaracyju ab jaho stvareńni ŭ lipieni 2020 hoda. U joj baki vykazali namier pahłyblać i pašyrać supracoŭnictva pa linii ŭzbrojenych sił i ŭ častcy baraćby z karanavirusam, a taksama padtrymlivać ŭstupleńnie Ukrainy ŭ NATA i ES.