Błohieru z Baranavič dali 4 hady kałonii za «raspalvańnie varožaści»
Juryja Čudzinoviča sudzili pa troch artykułach Kryminalnaha kodeksa.
Samy ciažki ź ich — raspalvańnie varožaści — byŭ za jahonuju frazu ŭ videaroliku ad 15.06.2021: «Prapanuju [rasiejskim vajskoŭcam] prybracca [ź Biełarusi], čym chutčej tym lepš. U advarotnym vypadku my pačniom palić hetyja bazy. [..] Čym my chutčej pazbavimsia ad akupacyjnych vojskaŭ, tym chutčej vyzvalim Biełaruś».
Taksama błohiera pryznali vinavatym u niavypłacie alimientaŭ i paklopie na rabotnicu Baranavickaj himnazii (za paklop na jaje ž raniej asudzili i błohierku Volhu Takarčuk).