Palitviazień Juryj Kaściuk vyjšaŭ na volu. Jon całkam adbyŭ pakarańnie
24-hadovaha bieraściejca asudzili na 1 hod «chimii» za źniavahu dziaržaŭnych simvałaŭ. U listapadzie minułaha hoda pakarańnie zamianili na bolš strohaje.
Pa materyjałach śledstva, 4 vieraśnia 2020 hoda Juryj išoŭ ź siabrami kala haścinicy «Maładziožnaja» ŭ Breście i padčas razmovy tuzanuŭ dziaržaŭny ściah na budynku. Ściah adrazu zvaliŭsia. Administracyja hatela vysunuła materyjalnyja pretenzii za złamanaje dreŭka ŭ pamiery 58 rubloŭ. 17 listapada 2020 hoda Juryju prysudzili 1 hod «chimii».
23 listapada 2021 hoda adbyŭsia sud pa zamienie pakarańnia na bolš strohaje. U vyniku Juryju prysudzili 1 miesiac i 16 dzion kałonii ahulnaha režymu. Z «chimii» jaho pieraviali ŭ hrodzienskuju turmu №1.
6 studzienia ŭ palitviaźnia skončyŭsia termin pakarańnia i jon vyjšaŭ na volu.